Archive for October 2013

SIMAR a sinta na mesa cu formador di gobierno nobo.

Diamars ultimo un delegacion di directiva di SIMAR consistiendo di Sra. Natalie Carlo (2o tesorero), Sra. Sheila Lazo-Tromp (tesorero) y Sra. Maroeschka Cornelie (secretaria) a asisti na un reunion cu formador di gobierno, Minister Presidente Mike Eman. Den e reunion aki formador a papia tocante planan di gobierno y SIMAR na su turno a apunta e puntonan di preocupacion di SIMAR pa cu enseñansa, maestronan y e desaroyo di Aruba en general. SIMAR a pone enfasis riba e hecho cu enseñansa no tabata prioridad durante e ultimo 4 añanan y ta spera cu esaki lo ta e caso den futuro.

Diferente punto a bin dilanti, entre otro SIMAR a propone na formador pa e proximo gobierno tene na cuenta pa atende cu restructuracion salarial, pa caba cu e discrepancia entre  scolnan cu ta directamente bou di gobierno y esnan subsidia, e necesidad grandi di modenisa nos enseñansa, di material y di airco, pa duna mas atencion na e cuido, e seguridad y formacion di e maestro y tambe cu enseñansa mester ta prome riba e agenda di dialogo social. Tambe SIMAR a haci un apelacion pa nombra un minister cu por carga enseñansa sin un cartera di peso huntu cu esaki. Alaves a pidi pa e relacion entre e minister di Enseñansa ta cu comunicacion habri y regular. SIMAR a sugeri pa e minister di enseñansa y di asuntonan social cera cabes y haci un investigacion urgente riba e motibonan pa cual nos pis tin un cifra alarmante di 35% di su oblacion cu nivel di enseñansa abou. 

E reunion a bay den un ambiente hopi positivo y ta di spera cu pa e sigiente 4 añanan di gobernacion, sigur nos mandatarionan lo tene cuenta cu e puntonan treci dilanti.

 

“Teachers’ night”