Dwight Mata

Comisario/2nd tesorero

Dwight Mata

Pa medio di e carta aki mi kier introduci mi mes na e miembro Nan di Simar. Mi nomber ta Dwight Mata. Mi ta miembro di Simar pa e ultimo 15 aña. Pero mi a lanta de Simar, como mucha yiu di miembro mi a participa na actividad nan organiza pa e famia di Simar tempo di e edificio anterior. Un tempo después mi a traha como bartender pa Simar basta aña y asina a conoce hopi miembro. Den mi projecto nan na IPA mi a opta pa haci trabou nan pa Simar, den temporada cu mi a juda organisa fiesta di celebracion pa dia di maestro. Despues cu mi a termina mi estudio mi a culminas traha na Colegio Arubano camina mi ta ainda, mi ta maestro di PV, na momento mi a culminas traha mi dianan di bartender a termina, algo cu mi no kier a laga bai en principio, pero mi a compronde e pensamento cu como miembro mi tambe mester forma partí di e invitado nan y cu a busca otro persona pa sigui cu e trabou di bar. Den mi aña nan como maestro nobo mi a dedica mas na siña hace mi trabou riba bon nivel, aunke mi tawata un di e prome nan di acudi na yamado di Simar pa bai welga. Un tempo despues mi a forma partí di esnan cu a baha un bestuur pa motivo di desconfiansa. Despues di esaki mi a tene distancia di Simar pa basta tempo. Awor mi ta postula mi mes pa puesto di comisario, cu deseo pa por tuma e cartera social pa mi duna mi aporte pa juda hiba Simar bek na un Simar cu colega nan ta bai su actividad nan cu gusto y asina ora nos ta hunto atrobe nos por traha uni pa bienestar di nos miembro y enseñanza en general.