Dia di Maestro ta un dia special pa SIMAR unda nos ta felicita y agradece tur maestro pa nan dedicacion y bon trabou. E obhetivo di Dia di Maestro ta pa aprecia, evalua y mehora nos maestro nan y pa oportunidad entre docente y enseñansa.

Ariba e dia aki nos como Sindicato di Maestro di Aruba kier organisa un evento pa felicita tur maestro pa nan trabou. Tambe nos obhetivo cu e evento aki ta pa e comunidad di Aruba compronde e rol importante cu maestro tin den e desaroyo di studiante y sociedad.

E aña aki a bira un aña cu diferente reto pa nos maestro nan y asina mes nada a stop nos maestro nan di duna les. Maestro nan mester a adapta nan mes pa duna les den e normal nobo y siña metodo nobo pa traha un sistema di enseñansa comodo y seguro pa nos studiante.

Door di esaki Dia di Maestro ta mas special e aña aki y elo ta un dia cu nos Sindicato lo kier duna danki y felicita tur nos maestro nan di Aruba pa supera e reto nan di e aña aki.